Home test 2

I dashur lexues

I dashur lexues!
Janë me dhjetra qindra të huajt që e kanë vizituar Shqipërinë ndër kohëra. Amerikanë, britankë, francezë, irlandezë, gjermanë, austriakë, turq, italianë, hebrej, kroatë, hungarezë, suedezë, grekë, arabë, japonezë, e sa e sa të tjerë. Ata janë në një farë kuptimi misionarë që i kanë shërbyer çështjes tonë kombëtare, njohjes së kombit tone nga të huajt. Ka prej tyre njerëz që iu ka kushtuar edhe jetën ai mision. Të tjerë kanë sakrifikuar për vendin dhe popullin tone deri edhe familjen. Ka aq shumë historianë, kronikanë, shkrimtarë, poetë, Lordë, Kontesha, diplomatë, kryeminstra të ardhshëm, arkitektë, udhëtarë, artistë, muzikantë, klerikë, politikanë, gra të shquara, infermjerë, intelektualë, që i kanë rënë kryq e tërthor trojeve shqiptare, që e kanë përshkruar bukurinë e natyrës shqiptare dhe fisnikërinë e popullit tonë me ngjyra realiste dhe ekzotike. Ata me punën e tyre vetvetiu kanë përmbushur një mision: Njohjen më mirë nga bota të Shqipërinë dhe shqiptarëve.
Po ne a i njohim sa duhet ata dhe veprën e tyre?
Të njohësh jetën dhe veprën e këtyre njerëzve, këtyre misionarëvë, ta shkruash, ta bësh publike e ta nderosh atë, është një mision më vete, po aq fisnik. Shumë kemi bërë ne shqiptarët për këtë por po aq shumë mbetet për të bërë.
Materialet që gjënden në këtë websitë janë thjesht një kontribut modest kushtuar këtij misioni – njohjes së disa prej atyre vetë.
Falemnderit për vizitën.
MB

Video nga aktivitetet