I dashur lexues,

Kjo është një faqe në ueb, e cila ka si qëllim të bëjë të njohur disa punime të miat, të thjeshta për vizitorët e saj. Ne këtë botë të superstradave të informacionit, ku jeta e njerëzve është lehtësuar kaq shumë nga arritjet teknologjike, e vëçanërisht nga interneti, mendova që disa punime të thjeshta, por të bëra me përkushtim të madh, t’i bëja të përdorshme për njerëz të cilët mund të interesohen për to.Duke vizituar këtë faqe, lexuesi shqiptar do të shohë se sa e vlefshme është që njeriu të përpiqet me tërë mundësitë e veta që të jap kontributin e vet për shoqërinë, sado modest që të jetë ai. Qëllimi i këtyre punimeve, si dhe i vetë ndërtimit të kësaj faqeje në internet nuk ka qenë dhe nuk është aspak fitimprurës.Unë do të isha shumë i lumtur nëse kjo faqe do të vizitohet, por do të isha edhe më i lumtur nëse një punë e tillë modeste do të shërbente për të nxitur çdo shqiptar që merret me shkrime dhe studime apo me çfarëdo pune tjetër studimore, shkencore, artistike, kulturore, sportive, ushtarake, të bëjë të frekuentueshme punët e veta në internet. Ky mjet magjik u jep tërë njerezve këtë mundësi.
Shfrytëzojeni!
Faleminderit për vizitën.