Gezuar Datelindjen Ibrahim Kadriu!

Nga MAL BERISHA

Me rastin e vitit të ri 2023, nga Prishtina më erdhi një “kartolinë ” e shkruar në 3869 faqe. Kartolina përbëhej nga një seri veprash letrare të shkruara dhe t ë botuara në 10 vëllime, në një hark kohor prej 60 vjetësh, nga gazetari, shkrimtari, intelektuali dhe miku im i shtrenjtë nga Kosova, Ibrahim Kadriu.

Lista e librave është në imazhin e tretë të fotografive të këtij postimi.

Kjo është një punë kolosale e një intelektuali shumë të çmuar nga Kosova.

Sot, me datën 8 Janar 2023 ai ka datëlindjen.

Bashkë me urimet për datëlindjen, dua ta falemnderoj për “kartolinën”, dhuratën e mrekullueshme që më dërgoi për Vitin e Ri 2023, dhe t’i uroj atij jetë të gjatë, shëndet të plotë dhe krijimtari të bollshmë, të mëtutjeshme!

KUSH ËSHTË IBRAHIM KADRIU?

Shkrimtari IBRAHIM KADRIU, lindi si sot më 8 janar 1945 në Zheger të Gjilanit. Shkollën fillore e e kreu në vendlindje në vitin 1959 kurse atë të mesmen e mësuesisë në Gjilan me 1964. Studimet universitare i kreu në Prishtine.

Ai ka një opus të gjerë të krijimtarisë letrare me mbi 80 vepra. Pas dy viteve të punës si pedagog, më 1968 ka filluar punën e rregullt të gazetarit në të përditshmen “Rilindja”, gazetar e redaktor i kulturës dhe reporter i lirë. Në “Rilindje” ka punuar deri në dhjetor të vitit 1999 e më pas redaktor në të përditshmen “Zëri” ku punon edhe sot. Që nga fillimi i viteve të gjashtëdhjeta ai merret aktivisht me letërsi. Sot ai jeton dhe vepron ne Prishtinë.