GËZUAR KRISHTLINDJET TË GJITHË BASHKATDHETARËVE TANË SHQIPTARË KATOLIKË!

---

Të dashur miq,

 

Kam pasur privilegjin të vizitoj katedralen “Notre-Dame de Paris” tre herë, natyrisht përpara se të ndodhte zjarri shkatërrues. Ajo është ndërtuar në vitin 1345. Si çdo njeri dashamirës i trashëgimisë kulturore, ndjeva dhimbje të thellë për atë që ndodhi më 15 prill 2019, kur ajo u përfshi nga flakët. Ajo u rihap plotësisht për publikun më 7 dhjetor 2024, duke rikthyer shkëlqimin e saj të përjetshëm.

Atë ditë, kur u rihap, ndjeva emocion të thellë dhe shkrova një poezi, të cilën po e ndaj me ju sot.

Mbesa ime e dashur, Erinda Tila, ma kërkoi këtë poezi për t’ia kaluar një mikeshës së saj, Mimoza Marjanaku, aktore e teatrit Aleksandër Moisiu të Durrësit, e cila e inskenoi atë poezi në një formë artistike, dhe tani po e ndaj me kënaqësi me ju.

Gëzuar Krishtlindjet!

===================================

NOTRE DAME, NOTRE DAME DE PARIS

Notre Dame, Notre Dame de Paris,

Xhevahir i rrallë në mes të gjithësisë

Desh të humbëm bashke me:

Nëntë shekuj lavdie, kurorë të Bukurisë,

Emblemë evropiane e lashtësisë

Kryevepër e Artit dhe e Mjeshtërisë

Notre Dame, Notre Dame de Paris,

O Tempull lutjesh, strehë e Besimit,

O Maja e Fesë, Simbol i Krishtërimit!

Ah, një ditë u dogje, u bëre shkrumb e hi, si furrë,

Dhe lotët për ty u derdhën si uji në një gurrë.

Dhembja e vajtimi e përfshinë njerëzinë,

Botën e mbuloi dyshimi, mendja herezinë.

Por ja, u ngrite Altar’ i lartë sërish,

Edhe më qiellore,

Një vend i shenjtë lutjesh

Për brengat Njerëzore.

Notre Dame, Notre Dame de Paris,

Nëntë shekuj krenari, O Katedralja unike,

As luftërat botërore, as betejat historike,

As koha nuk të mposhti, as zjarri’ që dot s’e fike!

As Luigji I katërmbedhjetë, as Napoleoni nuk të harroi

Ishte i madhi Hygo që të përjetësoi,

Me Kuazimodon dhe Esmeraldën që t’i “dhuroi”!

Notre Dame, Notre Dame de Paris,

Sot, shndrit më shumë se kurrë më parë,

Llamburit me dritat e Shekullit të Ri ,

Sot ti je:

Më e bukur, më e re dhe më krenare,

Që botës së trazuar i thërret:

Ding dang – Ding Dang:

Me të Lartën tënde Kombanare:

Me tingujt e organos tënde:

Magjiplotë edhe Hyjnore,

Le të lutemi këtë natë Krishtlindjesh:

Për Paqë, Besim dhe sa më shumë:

DASHURI NJERËZORE.

MB